::::::::::::::::::
الجزء الثلاثون
دخلت غرفته بتردد.. فرحت لما شافت ابتسامته.. دارت عيونها على غرفته الي مابقى عليها وقت وتنورها أعز انسانه على قلبها..
عبدالرحمن: تفضلي ياعروسه..
ذكرى بـ حياء: ههههههه وش عرفك اني بوافق..؟!
عبدالرحمن: لأن أختي من عرفتها عقلها كبير وتعرف تختار..!
ذكرى: عبود خايفه..!
عبدالرحمن: تتوقعين بزوجك أي انسان يا ذكرى.. وأنتي أختي وبنتي وأمي والإنسانه الي غلاتها تفرق عن الدنيا ومافيها..
ذكرى بـ مداعبه: حتى عن سارهـ..!
عبدالرحمن: سارهـ مثل الآميرهـ الي دخلت دنيتي حتى تنورها.. لكن هـ الدنيا فيها ملكه.. لو عطيتها عمري ماراح أوفيها حقها..!!
كلماته نورت طريقها.. وفرحت قلبها الي حست ان الإحساس بداخله مات..!
ذكرى: اذا مقتنع فيه .. توكل على الله..
كلمتها فرحت قلبه.. وآخيراً راح تتزوج الي يستاهلها.. يرفعها ويعز قدرها..!!
طلعت من عندهـ والحياء مالي قلبها.. ما كانت تعرف وش نوع هـ الشعور الي داخلها..!
لا هو فرح ولا هو حزن.. فرحة اخوها وأهلها كانت تهمها..!
الكل فرح بـ خطوبة ذكرى.. وأكثرهم فرحه كان محمد الي حس بتميزهـ انه ظفر بـ ذكرى.. الذكرى الي الكل يتكلم بتميز شخصيتها..
الا ياسر الي مازال بـ الشرقيه.. ماوصله الخبر..!!
\
طلب محمد تكون الملكة بسرعه والزواج متى ما خلصت تجهيز.. والكل قام يجهز عمرهـ لملكتها الي قرروا تكون بعد زواج عبدالرحمن..!!
/
بـ جمعة البنات..
ريم: والله يادبه ماني مصدقه انك بتتزوجين وتخليني..
خلود: والله كبرنا.. وماباقي الا ريم..
ريم: لا أنا خلوني.. باقي صغيرونه..
لمى: ريم أخطط عليها تكون لـ معاذ.. وربي الإثنين لايقين على بعض بشكل..
ريم ابتسمت لما تذكرت شكل معاذ .. وموقفه مع أبوها: هاهـ يؤ لا تحرجوني..
ذكرى: حرام عليكم ريم مرة تستحي..
ظربتها ريم على كتفها.. لا تفشليني قدام أخت زوجي..
الكل: هههههههههههههههههههههههه
لمى: خلاص وافقتي..
ريم: والله ولد عمي ماينعاف..
خلود: والله لو الشين يوافق بيكون محظوظ فيك..
ريم: نعم نعم.. والا الشيخ بيفكر..
لمى: ايه تعرفين أخوي.. برستيجه ما يسمح له يصير مخفه..
ريم: آجل بطلت.. ماني موافقه..
الكل:هههههههههههههههههههههههههه
\
في ملامحهم فرحه كبيرهـ.. وشعور غاب عنهم سنين.. علاقتهم صارت أقوى بكثير من قبل..
في غمرة الفرح تم زواج عبدالرحمن المبسط كثير.. والكل دعى له بـ التوفيق وإن ربي يألف مابين قلبهم..!!
عبدالرحمن: وربي فرحان ان ربي رزقني زوجه صالحه مثلك..
سارهـ بحياء: وأنا أكثر..
عبدالرحمن بـ مزح: بسأل ليش أول يوم تستحون.. وبعدين صوتك يعلى على صوت الرجل..
سارهـ: نعطيكم جوكم بس..
عبدالرحمن يضحك: لا يالله لك الحمد .. زوجتي غير!!
سارهـ : بـ ايش غير..
عبدالرحمن: أولها انها كسرت باب سيارتي.. وتو تطقها بوجهي أعطيك جوك بس..!!
ناظرته ساره بنص عين: ذليتني أنت وذا الباب..!
عبدالرحمن: آبي أحب هـ الباب.. الي لمسته ايدينك..!
ذاب قلبها وهي تسمع كلامته.. وذابت أكثر لما قرب لعند اذنها وباسها..!!
\
ليلتهم تميزت بـ أنها جمعت قلوب طاهرهـ.. قلوب ما عرفت طعم الحب الا لما اجتمعت مع بعضها.. ماذاقت الجرح..!!
كل واحد منهم كان يعاهد نفسه انه يسعد الثاني.. في عيونهم وملامحهم حب كبير.. عجزت عن وصفه..!!
/
بعد الزواج والفرحه الي انتشرت في بيت أبو عبدالرحمن.. قرب يوم ملكة ذكرى..!!
ربشه وحوسه.. الملكة كانت بالبيت.. والي ما حظرها الا أم محمد وأخته الكبيرهـ.. وعمتها وخلود.. ولمى وغندهـ الي كانت مفاجأة لـ ذكرى جيتهم..!!
ذكرى: الله يسعدكم يارب.. والله دخلتكم علي تسوى الدنيا ومافيها
لمى: فرحة أحلى بنت عم وما تبيني أجي..!
خلود: اذا ما حضرنا ملكتك من ملكته الي نحضرها..
ريم: أوووهـ بتسيح البنت علينا...!
سارهـ: خلو العروس لا أحد يتريق عليها..
ريم: المحامي عاد تكلم.. ما نقول شئ..!
\
في بيت أبو ياسر..
دخل البيت بجسم متهالك.. وملامح أتعبتها الهموم.. حس ان مافي بالبيت أحد..!
وحب يطلع غرفته حتى يرتاح من الطريق..!
وقبل لا يدخل شافته أمه..!
أم ياسر: بسم الله ياسر..؟!
التفت لها: هلا يمه..
راح وحب راسها..
أم ياسر: الحمد لله على السلامه.. شفيه وجهك كذا..!!
ياسر: الله يسلمك.. ما فيني الا العافيه..إلا وين اخواني يمه ما أشوفهم..؟!
أم ياسر: راحوا لبيت عمك.. ملكة ذكرى اليوم..!
انفجع بـ الخبر الي عمرهـ ما تخيله.. ولا طرا له في يوم يسمعه..؟!
وقف مكانه وعيونه على أمه.. مو مصدق ولا مستوعب هـ الخبر..؟!
شلون يغيب شهر عنها يرجع يلقاها ضاعت من ايدينه.. طلع من البيت من غير ما يحس بنفسه..
طلع يمكن يتدارك شئ من الي ضيعه بـ قسوته..!!
كل فترة غيابه كان تايه.. ضايع .. مو عارف ليش سوا كل الي سواهـ.. كل شئ بحياته متلخبط.. ضاع قلبه بين زحمة هـ الجروح..
رجعه شوقه وحبه.. رجعه الدمعه الي ما نزلت من عيونه.. كان بطريقه يمشي وما حس بنفسه.. مو مصدق كلام امه.. يحسه حلم وراح يقوم منه.. برغم تعبه من الطريق الا انه نسى كل شئ وما فكر الا فيها.. وقف عند بيتهم الي تركوهـ .. شاف أنوارهـ طافيه.. وعرف انه مافيه أحد..
ما عرف وش الحل.. من قهرهـ يبي يروح يخرب الملكة حتى ما تروح لـ انسان غيرهـ..
قدر يضبط أعصابه ويتصل في معاذ أخوهـ..
معاذ: هلا ياسر..؟
ياسر: هلابك شلونك..؟
معاذ: الحمد لله الله يسلمك..!!
ياسر: أبشرك وصلت الرياض.. وتنهد .. الوالده قالت لي ان اليوم ملكة ذكرى.. بس رحت لهم البيت ما لقيتهم..
كل كلامه قاله بهدوء. حتى يقدر يروح ويخرب كل شئ.. من غير ما أحد يمنعه..
معاذ: ايه غيروا بيتهم.. أعطاهـ الوصف عن حسن نيه..!!
وبخبث منه.. حرك سيارته بسرعه حتى يلحق عليها.. وصل للمكان الي قاله معاذ.. وشاف السيارات الي عند الباب.. عدل من شكله ودخل بـ هيبه للمجلس..!!!
\
عند الحريم.. كانوا البنات طايحين تعليق على ذكرى.. الي تحاول تكتم الحزن الي فيها حتى ما تكدر فرحتهم.. بس قطع سوالفهم صوت جوال لمى..
لمى: كذاب.. وش تقول أنت..؟
لمى: طيب طيب باي..
خلود: وجعه شفيك..؟
لمى: ياسر وصل الرياض.. وجا هنا..
فز قلب ذكرى من مكانه.. والخوف ملاهـ..!
خلود: طيب..؟
لمى: يعني غريبة ياسر جاي يبارك .. بعد الي صار..؟
ريم بخوف من تهور ياسر: الله يحيه.. ويمكن انه تدارك نفسه وجى يصحح غلطته..
لمى : والله ياليت..!!
ذكرى انسحبت في بالها عنهم وعن كلامهم.. ما تصورت في يوم تمر بـ الموقف هذا..!!
كانت تكلم نفسها( تآخرت كثير ياياسر.. جاي تشوف وش صار فيني..؟!)
/
ما عرف وش الشعور الي جاهـ لما شاف عمه يرحب فيه..!
وعبدالرحمن وفزته له.. ولما شاف معاذ وفراس .. وسعود وخالد..!!
من غير احساس سلم عليهم.. ووصل لـ عند محمد الي عرف انه هو الي حل مكانه..!!
سلم عليه بـ حرارهـ.. وشد على ايدهـ.. وكأنه يوادع آخر شئ ممكن يربطه بـ ذكرى..!
نسى فكرته الي باله.. وحس في برود تلم أطرافه..!!
كان يشوفهم .. من غير ما يسمع كلامهم.. نزل عيونه للأرض وهو يتذكر الحب الي دفنه بوسط كبريائه.. ما يدري ليش جاء.. وليش ساكت والهدوء يعمه..والبراكين داخل صدرهـ تتفجر..!
جلس يحرك اصابعه بـ قهر.. نظراته على الي كانوا حوله والفرحه بعيونهم.. قام قبل لا يفضحه قلبه.. قبل لا يخرب فرحتهم.. كان يقنع نفسه بنفسه..
ولـ مره خلك رجل .. خل قلبك طيب..واتركها تروح لـ نصيبها..!!
قام وبارك لهم.. اعتذر منهم انه تعبان من الطريق بس حب يجي يبارك..!!
طلع من البيت بـ قلب مهزوم.. تركها بـ المكان الي شهد ضياعه وراح..!!
التفت يناظر هـ البيت ولسان حاله يقول.. هذا مو مكان حبي .. مو هنا حبيتها ولا هنا عرفتها..!
ركب سيارته بعد ما وصلت دمعته.. وآخيراً نزلت هـ الدمعه حتى تكسر كل جبروت الرجل الي اجتمع فيه.. حتى تمحي كل قسوة قلبه.. نزلت دموعه وجددت كل جرح وهم ركنه بـ قلبه..!!
ودع أروع حب عاشه.. ودع أروع انسانه عرفها.. ودع طفولته.. ودع كل الدنيا الي حبها وعاشها..!!
ضيعه جبروته.. ضيعه برودهـ وقسوته.. تذكر ملامح محمد وفرحته.. كان يحسدهـ.. يحق له يفرح.. هو الي بـ الآخير انتصر...!!
هو الي نصر جوارحها.. هو الي اقتحم مملكتها.. ووصل لـ عندها.. وصل بـ جدارهـ..!!
شاف فيه الطيبة.. والتواضع.. شاف فيه الشئ الي كانت تتمناهـ ذكرى..
رمى نفسه بسيارته ودموعه تطلع منه بـ آنين يقطع القلب.. : آآآآآهـ آآآهـ ياذكرى..
\
خلصت الملكة.. والفرح احتل قلوبهم.. الا الإثنين الي ماعرفوا من هـ الدنيا الا القسوة..!
ماعرفوا الا الحزن..وماعرفواغير المكابرهـ على مشاعرهم.. كانت تتخيل شكله وهو يمد ايدهـ على الي بدته عليه..
ماهان عليها الحب.. برغم جرحه الكبير لها.. لكنه ياسر الي مستحيل تنسى حبه..!!
دخلت ريم عليها.. وعلى الأغنية كانت مشغلتها ..
منت لي ولا أنا لك..
ليه نكذب على أنفسنا..
كم حاولت أوصلك..
وأشياء كثيره تمنعنا..!
حبيبي ما أقدر أتغير..
ما أقدر أغير أطباعي..
حبيبي ما أقدر أتغير..
لا لا تزود أوجاعي..!
بـضحي بفرحتي وحبي..
من أجلك يا عسى ترتاح..
وحتى لو زعل قلبي..
عساها دنيتك أفراح..
دور غيري أحسن لك..
صعبه أغير أطباعي..!
عيد حسابك من أول..
بكرى تلتقي بغيري..
وتعيش بحياة أجمل..!
وأغيب بشري وخيري..
عسى الله يسهل دروبك..
صعبه أغير أطباعي.
ريم بـ رحمه لـ حال أختها الي تبدل.. ولـ منظرها الي يكسر الخاطر..قربت لها..
ريم: ذكرى والي يخليك انسيه..
طلعت ذكرى من صمتها.. من قوتها الي لفتها على نفسها من سنين.. حتى ما تضيع عيالها.. حتى تقاوم هـ الدنيا وأوجاعها.. الا الحب الي داخلها ما قدرت تقاومه.. ولا قدرت تخدع قلبها بقوتها.. طلعت آهاتها المكتومه في قلبها.. بصوت مبوح من الآلم.. وبدموع صار لها سنين تمنعها تنزل..: آآآآآآهـ آهـ ياريم..
كانت ترتجف بين يدين أختها..مثل الطفل الخايف..: ريم أحبه.. أحبه.. والله لو تأخذوني لقبري أحبه.. ما أقدر أنساه.. مهما قسى قلبه علي.. مهما جرحني.. الحب أكبر من كذا أكبر ياريم..
انقطع صوتها .. ودفنت راسها في حضن أختها.. الي ماعرفت وش ترد وتقول..!!
/
أي حياة تلك حياة العشاق..!
حينما تنهزم بها كل قوتنا الجامحة.. وأي شعور ذاك الذي يسطوا علينا..!
لما تبدلت مشاعرنا..
وأصبحت القسوة تلفها.. لما تاهت أخوتنا..!
وسلبت الفرحه من برائتنا..لما.. ولما..؟!!
وأسئلة تلفنا..!
لا شئ .. لا إجابه.. لا تبرير .. مشاعرنا لا شئ .. سوا هامش تعبث بها رياح الأقدار..!
تقلبها ذات اليمين وذات الشمال..!!!
دون نصرة لتلك المشاعر..!!
/
ما قبل النهاية..!!
أبو عبدالرحمن جته وعكه صحيه.. وريم تكلفت تكون قريبه منه تراعيه .. وتخدمه..!!
عبدالرحمن وسارهـ كان حبهم بسيط.. واحترامهم يسود حياتهم..!!
لمى وسعود جنون الحب تمكن منهم.. وبشرى الحمل أعطى حياتهم نكهه خاصه..!
خلود وخالد كانوا روح البيت.. كانوا أصدقاء أقرب من كونهم زوج وزوجته.. المرح يعم حياتهم.. ومازالوا ينتظرون مولودهم الأول..!!
فراس وغندهـ كبروا كثير بـ العمر وبـ العقل.. وكانوا بـ الي يقدرون يجمعون شملهم..
معاذ.. دخول ريم لـ حياته غير الشئ الكثير فيه.. وخصوصاً بعد ملكته عليها..!!
ياسر لملم جروحه ونفسه.. وقطع عهد على نفسه انه يتفرغ لـ أمه ولـ اخوانه لـ حد ماربي يرفعهم..!!
سلطان نور بيته أخو لـ هند.. زاد من قوة علاقته بـ زوجته .. الي يوم عن يوم يزداد حبه لها..!!
صالح وأمل.. علاقتهم كما هي وكانوا يدعون الله بـ أخت أو أخو لـ بنتهم..!!
دلال جاها نصيبها وتزوجت.. وان شاء الله تترك عنها المكالمات..!!
ونواف وطلال جالسين يجهزون عمرهم للزواج..!!
\
أما ذكرى فـ كان جرحها وذكرى حب ياسر بقلبها مثل الحاجز الي بنته بينها وبين محمد..
كانت تعطيه حقوقه على أكمل وجه.. لكن من غير احساس.. حاول كثير يكسبها بـ الفعل.. لكنه ما يشوف منها غير البرود.. والنظرة الحزينه بـ عيونها..!!
محمد: ذكورتي..
ذكرى: هلا..
محمد: لو أحد جاء وقالك محمد مات..
بـ خوف: بسم الله عليك..!!
ناظرها بـ حب..: تخافين علي..؟!
ذكرى: مو زوجي..
محمد: ذكرى أبي قلبك .. أبي حبك ياذكرى.. ما أبي زوجه تخدمني من غير شعور..!!
ذكرى: ليش قصرت معك..؟
محمد: حشى عمرك ماقصرتي.. بس !!
ذكرى: قول .. عاتب..!
محمد: ذكرى ورب البيت من شفتك وأنتي مالكه هـ القلب.. آبيك تحبيني مثل ما أنا أحبك..!
هزتها هـ الكلمة.. ( مالكه هـ القلب) .. ابتسمت بحياء.. وحست بشئ ينعش قلبها.. يحطم الحزن الي فيها..!
قربت لـ عندهـ ورمت نفسها بـ حضنه.. تطلبه يسامحها على تقصيرها.. وفتحت قلبها لعيون الي ما تذمم يوم على جفاها.. لـ انسان ماشافت معه الا الطيبة والرحمه..!!
كان رجل بـ معنى الكلمة.. عطاها حقوقها.. ولا قصر معها بيوم..!!
محمد وهو يمسح على راسها.. وبمشاعر صادقه: أحبك يالغلا..!!
انتهت..!!
.:: إعلانات الموقع ::. 
09-19-2007, 02:50 AM 
